Мәскеу. 21 шілде. ИНТЕРФАКС – АҚШ-тың негізгі қор индекстері апта соңындағы сауда сессиясын әрқилы аяқтады: Dow Jones Industrial Averageжәне S&P 500 аздап төмендеді, ал технологиялық секторға бағдарланған Nasdaq Composite индикаторы шектеулі өсім көрсетті.
Инвесторлар назарын ірі компаниялардың қаржылық есептеріне және АҚШ пен сауда әріптестері арасындағы келіссөздер барысына аударды. Бұл – президент Дональд Трамптың 1 тамыздан бастап бірқатар елдерге қатысты жаңа кедендік тарифтер енгізу жоспары аясында ерекше өзектілікке иеболған тақырып.
Financial Times газетінің хабарлауынша, Трамп Еуроодақпен сауда келіссөздерінде талаптарын күшейтіп, одақ елдеріне 15-20% көлемінде ең төменгі баж мөлшерлемесін енгізуді талап еткен. Еуропалық комиссияныңсауда жөніндегі комиссары Марош Шефчович Вашингтондағы келіссөздердің нәтижесін пессимистік тұрғыда бағалағаны атап өтілді.
АҚШ Федералдық резерв жүйесінің (ФРЖ) болашақ саясаты да нарық қатысушыларының назарында қалуда. Президент Трамп желтоқсан айынан бері 4,25–4,5% деңгейінде сақталып отырған негізгі мөлшерлеме үшін орталық банкті жиі сынға алып жүр. БАҚ-та тараған ақпаратқа сәйкес, Ақ үйФРЖ төрағасы Джером Пауэллді отставкаға жіберу ықтималдығын қарастыруда. Трамп бұл болжамды жоққа шығарғанымен, мұндай мүмкіндікбар екенін жоққа шығармаған. Сонымен қатар, Ақ үй Пауэллді ФРЖ ғимаратын жөндеуге жұмсалған шығындарға байланысты «тиімсіздікке» жолберді деп айыптады.
Жұма күні жарияланған макроэкономикалық деректер маусым айында АҚШ-та тұрғын үй құрылысының күткеннен жоғары қарқынмен өскенін көрсетті. Елде құрылысы басталған тұрғын үйлер саны мамырмен салыстырғанда4,6%-ға артып, жылдық есеппен 1,321 млн бірлікке жетті. Trading Economics мәліметінше, сарапшылар орта есеппен 3,5% өсім болжаған.
Сонымен қатар, Мичиган университетінің шілде айына арналған тұтынушылық сенім индексі 61,8 пунктке жетіп, бір ай бұрынғы 60,7 пункттен жоғарылады. Бұл – ақпан айынан бергі ең жоғары көрсеткіш.
Dow Jones индексіндегі негізгі төмендеу 3M Co. (-3,7%) және AmericanExpress Co. (-2,4%) акцияларына тиесілі болды, олардың тоқсандық есептері сарапшылар күтінен жоғары болғанына қарамастан. Сондай-ақ, Merck & Co., UnitedHealth Group, Amgen, McDonald’s акциялары 1–2% аралығында арзандады.
Керісінше, Travelers Cos. (+1,6%), IBM (+1,4%) және Amazon.com (+1%) акциялары біршама өсті.
Netflix акциялары 5,1%-ға төмендеді. Компанияның кірісі мен таза пайдасы екінші тоқсанда сарапшылар болжамынан жоғары болғанымен, операциялық маржаның төмендейтіні туралы болжам инвесторлардың сенімін әлсіретті, деп хабарлайды CNBC.
Charles Schwab акциялары 2,9%-ға қымбаттады. Қаржылық және брокерлік қызмет көрсететін бұл компания таза табысын 1,6 есеге арттырып, рекордтық табыс көрсеткішіне қол жеткізді.
Сауда қорытындысы бойынша: Dow Jones Industrial Average 142,3 пунктке(0,32%) төмендеп, 44342,19 пунктті құрады; S&P 500 0,57 пунктке (0,01%) азайып, 6296,79 пунктке дейін түсті; Nasdaq Composite 10,01 пунктке(0,05%) өсіп, 20895,66 пункт деңгейінде жабылды.
