Вашингтон. 23 шілде. ИНТЕРФАКС – Дональд Трамп әкімшілігі АҚШ-қаауған азаматтарын қоныстандырумен айналысатын Мемлекеттік департамент бөлімінің қызметін қысқартуға кіріскен. Бұл туралы The Washington Postбасылымы хабарлады.
Басылым деректеріне сәйкес, Трамп әкімшілігі 250 мыңнан астам ауғанстандықты АҚШ-қа көшіруді көздейтін арнайы бағдарламаларды жабу туралы шешім қабылдаған. Бұл бағдарламалар америкалық күштерге көмеккөрсеткен ауған азаматтарына арнап құрылған болатын.
Бағдарламаның жабылуына байланысты көптеген ауған азаматтары өздерінің Ауғанстанға қайтарылу қаупі бар екенін айтып, алаңдаушылық білдіруде. Олар елге оралған жағдайда «Талибан» қозғалысы тарапынан қудалауға ұшырауы мүмкін.
Өз кезегінде Ақ үй бұл ақпаратты жоққа шығарды. Әкімшілік өкілдері Трамптың ауған халқына бейжай қарайды деген айыптаулармен келіспейтінінмәлімдеді.
Өткен демалыс күндері Дональд Трамп The Truth Social әлеуметтік желісінде Ауғанстаннан келіп, қазір Біріккен Араб Әмірліктерінде орналасқан босқындарды депортациядан құтқаруға тырысатыны жөнінде жазба жариялады.
Айта кетейік, 2021 жылдың тамызында «Талибан» қарулы топтары Ауғанстан аумағын қарсылықсыз дерлік басып алған болатын. 15 тамызда олар ел астанасы Кабул қаласына кірді. Бұл жағдай Ақ үй үшін күтпеген оқиға болғанын америкалық сарапшылар мен саясаткерлер бірнеше рет атапөткен.
АҚШ әкімшілігіне бұл жағдайға байланысты әскери күштерін елден жедел түрде шығаруға тура келді. Алайда бұл процессте көптеген ауған азаматы елден кетіп үлгермей, шетелдік елдерден баспана іздеуге мүмкіндік ала алмады. Бұл жағдай АҚШ-тағы бұқаралық ақпарат құралдары мен республикашыл саясаткерлер тарапынан сынға ұшыраған.
