Астана. 25 тамыз. ИНТЕРФАКС-ҚАЗАҚСТАН – Қазақстанға Демократиялық Конго Республикасының Президенті Феликс Чисекеди ресми сапармен келмек. Бұл туралы Мемлекет басшысының баспасөз қызметі хабарлады.
Мәлімет бойынша, дүйсенбі күні Қазақстан Президенті Қасым-Жомарт Тоқаев Конго Президентінің арнайы өкілі Патрик Мпойи Луабеяны қабылдады.
Кездесу барысында Конго Президенті Феликс Чисекедидің алдағы Қазақстанға сапарына дайындық мәселелері, сондай-ақ екіжақты ынтымақтастықтың болашағы бар бағыттары талқыланды.
