Астана, 8 қыркүйек. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев еліміздің алдағы үш жылда цифрлық мемлекетке айналуын стратегиялық міндет ретінде айқындады.
«Жасанды интеллекттің қарқынды дамуы қазірдің өзінде адамдардың, әсіресе жастардың дүниетанымы мен мінез-құлқына әсер етіп жатыр. Бұл – баламасы жоқ үдеріс. Себебі ол бүкіл адамзаттың өмір салты мен әлемдік тәртіпті түбегейлі өзгертіп отыр. Біз бұған дайын болуымыз керек. Белсенді әрекетке көшу қажет. Өйткені кідіріс орны толмас салдарға әкелуі мүмкін», – деді Мемлекет басшысы дүйсенбі күні Парламент палаталарының бірлескен отырысында Қазақстан халқына арнаған жыл сайынғы Жолдауында.
«Осыған байланысты мен елімізді үш жыл ішінде толыққанды цифрлық мемлекетке айналдыруды аса маңызды стратегиялық міндет ретінде қойып отырмын», – деп атап өтті Тоқаев.
