Новосібір, 19 қыркүйек. ИНТЕРФАКС. Қытайдың Синьцзян-Ұйғыр автономиялық ауданындағы Хами қаласынан 220 шақырым солтүстікте магнитудасы 5,8 болатын жер сілкінісі тіркелді. Бұл туралы Ресей ғылым академиясының Біртұтас геофизикалық қызметінің Алтай-Саян филиалы хабарлады.
Жедел өңделген деректерге сәйкес, жер сілкінісінің эпицентрі жұма күні Мәскеу уақытымен 10:56-да Моңғолия шекарасынан шамамен 20 шақырым қашықтықта орналасқан.
Сілкініс эпицентріндегі дүмпу “қирауға әкелуі мүмкін” деңгейде бағаланып отыр.
Айта кетейік, Моңғолияның Тувамен, Алтай Республикасымен, Бурятияның батыс бөлігімен және Қытайдың Синьцзян-Ұйғыр автономиялық ауданымен шекаралас аймақтарында жер сілкіністері жиі қайталанып тұрады, кейде күшті дүмпулер де тіркеледі.
