Бейжің, 22 қыркүйек. 2025 жылғы тамызда Ресейден Қытайға бидай экспорты қайтадан тоқтады. Бұл шілдеде жасалған аз көлемдегі жеткізілімнен кейін (17,8 мың доллар) орын алды. Бұған дейін маусым айында да жеткізілімдер болмаған. Бұл туралы Қытайдың Мемлекеттік кеден басқармасының деректерінде айтылған.
2024 жылғы тамызда Қытай Ресейден 17,9 млн долларлық бидай импорттаған еді. Ал 2025 жылдың қаңтар–тамыз айларында жеткізілім бар болғаны 2,5 млн долларды құрады (2024 жылы – 66,1 млн доллар).
Аталған кезеңде Қытай бидайды жеті мемлекеттен сатып алды. Негізгі жеткізушілер – Канада (513,1 млн доллар) және Аустралия (224,8 млн доллар), алғашқы үштікті Қазақстан түйіндейді (7,8 млн доллар).
2024 жылы Қытай Ресей бидайын 87,25 млн долларға импорттап, 2023 жылғы көрсеткіштен (34,71 млн доллар) 2,5 есе көп көлемге жеткен. Өткен жылы Қытай сегіз елден бидай сатып алған, Ресей алтыншы орында болған.
Сонымен қатар, Ресей арпасынан Қытайға жеткізілім де қысқарды. Сегіз айдың қорытындысы бойынша экспорт көлемі екі еседен астам төмендеп, 53 млн доллар болды (2024 жылы – 125,3 млн доллар). Тамыз айында жеткізілім 7,6 млн долларға дейін азайды (өткен жылы – 12,9 млн доллар).
2024 жылы Ресей Қытайға 177,1 млн доллардың арпасын жеткізген (2023 жылы – 110,3 млн доллар). 2025 жылдың қаңтар–тамызында Қытай бұл дақылды тоғыз мемлекеттен сатып алды, негізгі жеткізуші – Аустралия (1,2 млрд доллар). Сондай-ақ Канада (247 млн доллар) мен Аргентина (99,8 млн доллар) ірі экспорттаушылар қатарында.
Қазіргі таңда Ресей Қытайға тек жаздық бидай мен арпа жеткізе алады. Дегенмен ресейлік сарапшылардың пікірінше, ең үлкен әлеует күздік бидай мен арпада. Ресей бұл дақылдарды да Қытай нарығына жеткізуге
