МӘСКЕУ. 29 қыркүйек. ИНТЕРФАКС – Қытайлық Huawei Technologies компаниясы келесі жылы өзінің ең озық жасанды интеллект чипі – Ascend 910C үлгісінің өндірісін екі есеге ұлғайтуды жоспарлап отыр. Бұл туралы Bloomberg агенттігі ақпараттан хабардар дереккөздерге сілтеме жасап хабарлайды.
Агенттіктің мәліметінше, 2026 жылы Huawei осы чиптің 600 мың данасын шығармақ. Бұл – 2025 жылмен салыстырғанда шамамен екі есе көп. Сонымен қатар, компания Ascend сериялы чиптерге арналған кристалдар өндірісін сол жылы 1,6 млн бірлікке жеткізуді көздеп отыр. Бір 910C чипінде екі кристалл қолданылады.
Дереккөздердің айтуынша, бұл және келесі жылдарға арналған жоспарлар Huawei-дің қазіргі қорындағы дайын кристалдарға да сүйенеді.
Bloomberg агенттігі атап өткендей, Қытайдың Alibaba, DeepSeek сияқты технологиялық компанияларына жасанды интеллект сервистерін жасау және іске қосу үшін миллиондаған ИИ-чиптер қажет.
2024 жылы америкалық Nvidia Қытай нарығына 1 млн H20 процессорын сатқанымен, АҚШ билігінің шектеулеріне байланысты қазіргі таңда бұл нарыққа кіру мүмкіндігінен іс жүзінде айырылып отыр.
Бұған дейін, қыркүйек айында, Huawei өз чиптері негізінде әлемдегі ең қуатты есептеу кластерін құру жоспарын жариялаған болатын.
