АСТАНА. 9 қазан. ИНТЕРФАКС-ҚАЗАҚСТАН – Қазақстан Республикасы Үкіметі шетелдік жұмыс күшін тартуға рұқсат беру немесе оны ұзартуға арналған алымның жаңа мөлшерлемелерін бекітті.
Құжат Үкіметтің ресми сайтында жарияланды. Онда көрсетілгендей, алым мөлшерлемелері төлем жүргізілген күнгі қолданыстағы айлық есептік көрсеткіш (АЕК) көлеміне қарай белгіленеді.
Маусымдық шетелдік жұмысшылар үшін жеке мөлшерлемелер белгіленген: 90 күнге дейін – АЕК-тің 12 еселенген мөлшері, 180 күнге дейін – 24 еселенген мөлшер, 270 күнге дейін – 36 еселенген мөлшер, 365 күнге дейін – 48 еселенген мөлшер.
Сонымен қатар, аталған қаулымен осы мәселеге қатысты бұған дейін қабылданған кейбір үкіметтік шешімдер күшін жойды деп танылды.
Құжат ресми жарияланған күннен бастап он күнтізбелік күн өткен соң күшіне енеді және 2026 жылғы 1 қаңтардан бастап туындаған құқықтық қатынастарға қолданылады.
