Брюссель. 23 қазан. ИНТЕРФАКС – Еуроодақ елдері енді өз территориясына басқа ЕО мемлекетінде аккредиттелген ресейлік дипломаттар мен олардың отбасы мүшелерін кіргізу үшін алдын ала рұқсат талап етуге құқылы. Бұл туралы бейсенбі күні ЕО-ның «Ресми журналында» жарияланған құжатта айтылған.
«Құжатта көрсетілгендей, ЕО-ға мүше мемлекеттер, өз аумағына мұндай тұлғалардың кіруі үшін алдын ала рұқсат талап етуге құқылы. Бұл талап Шенген визасы немесе басқа мүше ел берген рұқсат құжат негізінде жүзеге асады», – делінген мәтінде.
Сонымен қатар, енді ресейлік дипломаттар ЕО аумағында қозғалу барысында арнайы хабарлама жіберуге міндетті. «Шенген аймағында және аккредитация берілген мемлекеттен тыс басқа мүше елге сапар шеккен жағдайда, Ресей Федерациясының дипломатиялық және консулдық қызметкерлері, сондай-ақ әкімшілік-техникалық немесе қызмет көрсету персоналы мен олардың отбасы мүшелері алдын ала хабарлама жіберуі тиіс», – деп көрсетілген құжатта.
