АСТАНА. 13 қараша. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев 14-15 қараша күндері Өзбекстанға мемлекеттік сапармен барады. Бұл туралы Мемлекет басшысының баспасөз қызметі хабарлады.
«Президент Қасым-Жомарт Тоқаев Өзбекстан Президенті Шавкат Мирзиёевтің шақыруымен 14-15 қарашада Ташкент қаласына мемлекеттік сапармен барады», – делінген хабарламада.
Сапар аясында мемлекет басшылары жеке құрамда келіссөздер өткізіп, Қазақстан мен Өзбекстан арасындағы Жоғары мемлекетаралық кеңестің отырысына қатысады.
Сонымен қатар, 16 қараша күні Президент Тоқаев Ташкентте өтетін Орталық Азия мемлекеттері мен Әзербайжан басшыларының VII консультативтік кездесуіне қатысады.
