Астана. 15 қараша. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Өзбекстан Президенті Шавкат Мирзиёевпен келіссөздер жүргізді, деп хабарлады Мемлекет басшысының баспасөз қызметі.
Бұған дейін хабарланғандай, жұма күні Қасым-Жомарт Тоқаев мемлекеттік сапармен Ташкент қаласына келген болатын.
«Қасым-Жомарт Тоқаев Шавкат Мирзиёевке Ташкентке ресми сапармен келуге шақырғаны, сондай-ақ жылы қабылдауы мен дәстүрлі қонақжайлық танытқаны үшін ризашылық білдірді», – делінген хабарламада.
Келіссөз барысында мемлекет басшылары қазақ-өзбек стратегиялық әріптестігі мен одақтастығының даму перспективаларын жан-жақты талқылады.
Президенттер сауда, өнеркәсіптік кооперация, көлік және логистика, энергетика, ауыл шаруашылығы, су ресурстары, сондай-ақ мәдени-гуманитарлық саладағы ынтымақтастықты нығайту мәселелерін қарастырды.
Кездесу аясында өңірлік және жаһандық күн тәртібіндегі өзекті мәселелер бойынша пікір алмасу өтті.
