Минск. 4 желтоқсан. ИНТЕРФАКС-ҚАЗАҚСТАН – Польша G20 елдерінің қатарына қосылып, келесі жылы желтоқсанда Майамиде өтетін “Үлкен жиырмалық” саммитіне қатысады. Бұл жөнінде АҚШ мемлекеттік хатшысы Марко Рубио мәлімдеді.
“Біз АҚШ-та әлемнің ең ірі экономикаларын, сондай-ақ серіктестеріміз бен одақтастарымызды келіссөз үстелінде қарсы алуға қуаныштымыз. Әсіресе, бір кездері темір перденің ар жағында болған, ал бүгінде әлемдегі ірі жиырма экономиканың қатарына енген Польша бізбен бірге болып, G20 аясындағы заңды орнын иеленеді”, – деді Рубио, оның сөзін польша БАҚ келтірді.
АҚШ мемлекеттік хатшысы атап өткендей, Польшаның жетістігі – болашаққа бағдар жасап, тек қиындықтарға ғана назар аудармай, даму жолын таңдаудың дұрыстығын көрсетеді. “Бұл – АҚШ және америкалық компаниялармен әріптестіктің өзара өркендеуге және дамуға қалай ықпал ете алатынының нақты мысалы”, – деді ол.
