Тег: Бас прокуратура

Қазақстан Республикасының Бас прокуратурасы хабарлайды: интернет-алаяқтар танымал онлайн-платформалар мен әлеуметтік желілерде жоғары жалақы мен жеңіл жұмыс уәде еткен жалған хабарландырулар жариялап жатыр.

Инвестиция тарту жүйесінің “бір терезе” қағидаты бойынша жұмыс істемейтіні туралы мәселе көптен бері көтеріліп келеді. Инвесторлар елге келген кезде, саяси деңгейде ауқымды жұмыс атқарылады, бұл үдеріс көбінесе ел басшылығының деңгейінде жүзеге асады. Қазақстан шетелдің негізгі инвестор елдерімен жақсы қарым-қатынас орнатқан. Алайда жоғары деңгейдегі келіссөздерден кейін инвестор нақты іске кірісіп, жер алу, құжат рәсімдеу секілді кезеңдерге келгенде, әртүрлі мемлекеттік органдар тарапынан бірқатар кедергілерге тап болады. Мұндай мәселелердің түп-төркіні – мемлекеттік реттеудің күрделілігі, жергілікті атқарушы органдар мен салалық ведомстволардың жұмысына байланысты.

Алматыда «Көк кит» фильмінің премьерасы өтті. Фильм қазіргі қоғамдағы өзекті мәселелердің бірі — балалардың интернеттегі қауіпсіздігіне арналған. Картина бүкіл ел аумағында кең прокатқа шықты. Фильм Алматы қаласы прокуратурасының қолдауымен түсірілген және цифрлық кеңістіктегі қауіп-қатерлер, сондай-ақ жасөспірімдерге қауіпті ойындар мен деструктивті контенттің әсері туралы баяндайды. Сонымен қатар, картинада буллинг және отбасылық-тұрмыстық мәселелер де қозғалады.

Мемлекет басшысы елдегі заң үстемдігі мен қадағалау саласындағы басым бағыттар бойынша атқарылған жұмыс жөнінде есеп тыңдады. Бас прокурор Берік Асылов қоғамда кеңінен талқыланған, мемлекеттік мүдделерге қатысты және азаптауға байланысты қылмыстық істер бойынша арнайы прокурорлардың жүргізіп жатқан тергеу жұмыстарының барысы туралы баяндады. Ағымдағы жылы арнайы прокурорлар сотқа 55 қылмыстық іс жолдаған, нәтижесінде 112 адам сот үкімімен кінәлі деп танылды. Қазіргі уақытта 80 іс тергеу сатысында. Тергелген істер бойынша мемлекетке келтірілген залалдың орны толтырылып, 14,4 миллиард теңге өндіріп алынды.

Бас прокуратура хабарлауынша, мас күйінде көлік жүргізудің алдын алу мақсатында Жетісу облысы, Ақсу ауданының прокуратурасы тарапынан көрсетілім сипатындағы сот процесі ұйымдастырылды. Сот отырысына жергілікті жүргізушілер, соның ішінде жолаушы тасымалымен айналысатын азаматтар арнайы шақырылды. Сотта бұрын мас күйінде көлік жүргізгені үшін 15 тәулікке әкімшілік қамауға алынып, 7 жыл мерзімге көлік құралын басқару құқығынан айырылған азаматқа қатысты қылмыстық іс қаралды.