Бас прокуратура хабарлауынша, мас күйінде көлік жүргізудің алдын алу мақсатында Жетісу облысы, Ақсу ауданының прокуратурасы тарапынан көрсетілім сипатындағы сот процесі ұйымдастырылды. Сот отырысына жергілікті жүргізушілер, соның ішінде жолаушы тасымалымен айналысатын азаматтар арнайы шақырылды. Сотта бұрын мас күйінде көлік жүргізгені үшін 15 тәулікке әкімшілік қамауға алынып, 7 жыл мерзімге көлік құралын басқару құқығынан айырылған азаматқа қатысты қылмыстық іс қаралды. Бұрын көлікті мас күйінде жүргізгені үшін жауапкершілікке тартылып, жүргізуші куәлігінен айырылған азамат бұл жолы да дәл сондай тәртіп бұзушылыққа жол берген. Жүргізушілік құқығынан айырылғанына қарамастан, ол қайтадан көлік айдап, нәтижесінде қылмыстық жауапкершілікке тартылды. Аталған іс Қазақстан Республикасы Қылмыстық кодексінің 346-бабының 1-бөлігі бойынша қаралды. Соттың үкімімен құқықбұзушы 6 айға бас бостандығынан айырылып, өмір бойына көлік құралын басқару құқығынан айырылды. Прокуратура барлық жүргізушілерге жолда тәртіп пен жауапкершілікті сақтау қажеттігін ескертеді. Мас күйінде көлік жүргізу – адамның өмірі мен қауіпсіздігіне тікелей қатер төндіретін әрекет. Әр азамат жолдағы тәртібіне өзі жауапты екенін терең түсінуі тиіс.
Евразия24 пікірі:
Маусым айында біз жүргізуші куәлігінен айырылған автокөлік иелерінің Конституцияның 30 жылдығына орай жарияланған рақымшылыққа қосылу үшін петиция жолдағаны туралы жазған едік. Олар 7 жыл бойы көліксіз жүру — шектен тыс қатаң жаза деп мәлімдеді. Бірақ сол ақылға қонбайтын петицияны жариялаған сәтте-ақ, әкімшілік қамау мен жүргізуші куәлігінен 7 жылға айырылу — нағыз жазаның тек бастауы ғана екенін білген бе екен? Ескертуден қорытынды шығармаған, мас күйінде қайтадан рөлге отырғандар бас бостандығынан айыру мен көлік жүргізу құқығынан өмір бойына айырылу күтіп тұр. Ең үлкен мәселе – мұндай қауіпті жүргізушілер біреуге зиян келтіріп үлгермей тұрып, дер кезінде полицияның қолына түсуі керек. Ең бастысы – мұндай қауіпті жүргізушілер біреуге зиян келтіріп үлгермей тұрып, дер кезінде полицияның қолына түсуі керек.
