Тег: Eurasia24

Блокчейн арқылы жүргізілген криптотранзакциялар мониторингі барысында интернет-алаяқтық пен есірткі саудасынан түскен кірістерді заңдастыруға кәсіби қызмет көрсеткен «RAKS exchange» атты криптовалюта айырбастау сервисі анықталды. Агенттіктің мәліметінше, бұл сервис қылмыстық ортада жоғары беделге ие болған және 5 миллионнан астам қолданушысы бар 20 ірі Darknet маркетімен ынтымақтастық орнатқан. Соңғы үш жыл ішінде аталған криптосервис арқылы Қазақстан, Ресей, Украина және Молдова елдерінің 200-ден астам есірткі дүкендерінің заңсыз табыстары заңдастырылған.

Ұлттық банк хабарлайды: Ташкентте өңірлік орталық банктер цифрлық қаржылар мен киберқауіпсіздік мәселелерін талқылады. Қазақстан Ұлттық банкінің Төраға орынбасары Берік Шолпанқұлов Ташкент қаласында өткен төлем жүйелерін дамыту мәселелері жөніндегі кезекті Өңірлік кездесуге қатысты. Кездесуге Әзербайжан, Қырғызстан, Тәжікстан және Өзбекстанның орталық банктерінің өкілдері де қатысты. Жиын барысында цифрлық қаржы активтерін реттеу, бірыңғай QR жүйесі мен ашық банкингті дамыту, жедел төлемдер және Suptech (қадағалау технологиялары), сондай-ақ киберқауіпсіздік мәселелері талқыланды.

Жуырда бір топ Мәжіліс депутаты Премьер-Министр Олжас Бектеновке балалар арасындағы құқықбұзушылық пен олардың қорғансыздығы мәселелерінің алдын алу бойынша шұғыл шаралар қабылдауды сұрап, ресми өтініш жолдады. Бір қарағанда бұл екі түрлі әлеуметтік мәселе болып көрінгенімен, бір-бірімен тығыз байланысты. Депутаттар талап етіп отырған бірқатар шешімдер бұған дейін қабылданғанымен, іс жүзінде іске аспай отыр. Осы жағдайдың себептерін біз зерделеп көрдік. Балалар мен жасөспірімдер арасындағы қылмыс пен ауыр құқықбұзушылық толастамай отыр. Жаңа оқу жылы басталғалы бері Жамбыл облысының өзінде үш бірдей қайғылы оқиға тіркеліп, нәтижесінде үш жасөспірім қаза тапты.

«Мен Дубай мен Бакудегі жаһандық климат саммиттеріне қатыстым. Сол жиындардан алған әсерімді әріптестеріммен және Үкімет мүшелерімен бөлістім. Ашық айтсам, ондағы жағдай кең көлемді алдаусыраушылықты көбірек еске салды. Бұл сөзімді Премьер-министр Олжас Бектенов растай алады. Жақында АҚШ Президенті Дональд Трамп БҰҰ мінберінде сөйлеген сөзінде осыған ұқсас пікір білдірді: «Климаттың өзгеруі — бұл әлемде бұрын-соңды жасалған ең үлкен алаяқтық». АҚШ Президенті: «Маған жел ұнамайды, маған көмір ұнайды», - деп нақты айтты.

Sаlem Entertainment компаниясының кеңсесінде әлемдік кинематографияның аңызы – актер, сценарист, режиссер және продюсер Джеки Чанмен жұмыс кездесуі өтті. Біз ауқымды бірлескен жобаны іске асыруға кірістік. Алматыда болған уақытында Джеки Чан біздің командамен бірге алдағы картинаның түсірілім өтетін орындарын таңдады. Фильмнің негізгі бөлігі Қазақстанда түсірілмек. Жобаның толық мәліметтері әзірге жария етілмейді. Дегенмен, алдағы уақытта көрермендерді ауқымды әрі әсерлі туынды күтуде. Жаңалықтарымызды қадағалап отырыңыздар — қызықтың бәрі алда.