Мәскеу. 27 қазан. ИНИЕРФАКС — АҚШ қаржы министрі Скотт Бессент Федералдық резерв жүйесінің (ФРЖ) келесі төрағасы лауазымына ұсынылатын бес үміткердің есімін растады. Бұл тізім бұған дейін халықаралық БАҚ-та жарияланған еді.
Бессенттің айтуынша, алғашқы сұхбат кезеңінен өткен үміткерлер қатарында ФРЖ Басқарушылар кеңесінің екі мүшесі — Мишель Боуман мен Кристофер Уоллер, Ақ үйдің экономикалық кеңесшісі Кевин Хассетт, сондай-ақ Джордж Буш әкімшілігінде қызмет атқарған, кейін ФРЖ басшылығына кірген Кевин Уорш бар.
Тізімде сондай-ақ BlackRock Inc. компаниясының тұрақты кіріс активтері жөніндегі бас инвестициялық директоры Рик Ридер қалған.
Бұған дейін үміткерлер саны 11 адам болса, алғашқы іріктеуден кейін ол беске дейін қысқарған.
Скотт Бессент дүйсенбі күні журналистерге берген сұхбатында тағы бір кезеңдік әңгімелесу өткізіп, Алғыс айту күнінен кейін АҚШ президенті Дональд Трамптың қарауына лайықты кандидаттар тізімін ұсынуға ниетті екенін айтты.
Ал Дональд Трамптың өзі ФРЖ-ның жаңа төрағасын осы жылдың соңына дейін таңдайтынын мәлімдеді. Ол Бессенттің үміткерлер қатарында жоқ екенін де растады.
Қазіргі ФРЖ төрағасы Джером Пауэллдың өкілеттік мерзімі 2026 жылдың мамыр айында аяқталады.
