Мәскеу. 23 шілде. ИНТЕРФАКС – АҚШ-тың Юта штатынан сайланған республикалық сенатор Майк Ли әлеуметтік желідегі (X платформасындағы) ресми парақшасында Федералдық резерв жүйесінің төрағасы Джером Пауэлл қызметінен кетті деген жалған хатты жариялады.
CNBC хабарлауынша, «Президентке» бағытталған бұл хат, болжам бойынша, жасанды интеллект көмегімен жасалған. Құжатта ресми стильге тән емесмәтін пішімі, ағылшын тіліне жат таңбалар, сондай-ақ Федералдық резервтің мөріндегі түсініксіз символдар болғаны анықталған.
Хатта Пауэллдің 22 шілдеде Федералдық резерв жүйе төрағасы лауазымынан өз еркімен кету туралы шешім қабылдағаны айтылған.
Сенатор бұл жазбаны өзінің расталған ресми парақшасында «Пауэлл қызметінен кетті!» деген жазумен және эмодзи белгілерімен бірге жариялаған. Кейінірек бұл жазба өшірілді.
CNBC тілшілері сенатордың кеңсесінен түсініктеме сұрағанымен, еш жауапала алмаған. Ал Федералдық резерв жүйесінің баспасөз хатшысы жалған хатқа байланысты пікір білдіруден бас тартты.
Бұл жалған ақпарат АҚШ-тың бұрынғы президенті Дональд ТрамптыңДжером Пауэллге қатысты сындары үдеген кезеңде жарияланған. Трамп ФРЖ басшысын негізгі пайыздық мөлшерлемені төмендетуден бас тартқаны үшінжиі сынаған болатын. Пауэллдің өкілеттік мерзімі 2025 жылдың мамырында аяқталады, алайда бірқатар ақпарат құралдары Трамптың оны мерзімінен бұрын қызметінен кетіруге тырысуы мүмкін екенін жазған еді.
