Вашингтон. 6 ақпан. ИНТЕРФАКС – АҚШ Қарулы күштері Тынық мұхитында есірткі тасымалдаумен айналысқан деген күдікке ілінген кемеге соққы жасады. Бұл туралы жұма күні АҚШ Қарулы күштерінің Оңтүстік қолбасшылығы хабарлады.
Ведомствоның мәліметінше, 5 ақпанда Southern Spear біріккен жедел тобы террористік ұйымдармен байланысы бар деп танылған құрылымдар басқарған кемеге дәлме-дәл әскери соққы берген. Барлау деректері аталған кеменің Тынық мұхитының шығыс бөлігінде белгілі есірткі тасымалдау бағыттарымен жүргенін және заңсыз есірткі айналымына қатысы болғанын растаған.
Операция нәтижесінде екі адам қаза тапқан. АҚШ әскери қызметшілері арасында зардап шеккендер жоқ.
Айта кетейік, өткен жылдың қыркүйек айынан бері АҚШ Тынық мұхитында және Кариб теңізі аумағында есірткі тасымалдауға күдікті кемелерге қатысты осындай операцияларды мерзімді түрде жүргізіп келеді.
