Астана. 28 мамыр. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев пен Ресей Президенті Владимир Путин бейсенбі күні Астанада «Сириус» мектебінің құрылысын бастау рәсіміне қатысты. Бұл туралы республика президентінің баспасөз қызметі хабарлады.
«Қазақстан – Сириус» халықаралық білім беру инфрақұрылымының капсуласын салу рәсімі екі ел көшбасшыларының қатысуымен онлайн форматта өтті.
«Болашақ кешеннің іргетасына символикалық капсуланы елордалық оқушылар Қазақстан Республикасының Оқу-ағарту министрі Жұлдыз Сүлейменова және “Сириус” федералдық аумағы кеңесінің төрайымы, “Талант және табыс” қорының жетекшісі Елена Шмелева бірге қалады», – делінген хабарламада.
«Қазақстан – Сириус» жобасы екі мемлекет басшыларының келісімі негізінде жүзеге асырылып жатыр. «Сириус» моделі бойынша білім беру инфрақұрылымы Қазақстанның екі қаласында құрылуда. Астанадан бөлек, жоба Алматыда да іске асырылып жатыр. Онда 2026 жылдың қаңтар айында мектеп пен орталықтың алғашқы іргетасы қаланған болатын.
Жоба дарынды балалардың әлеуетін ашуға және ғылым, технология мен инновацияларға бағытталған бәсекеге қабілетті жаңа буын мамандарын қалыптастыруға арналған.
