Гонконг. 25 қыркүйек. ИНТЕРФАКС – Бейсенбі күнгі сауда-саттық барысында Азиядағы акциялар нарығы бағытсыз қозғалыс көрсетуде.
Қытайдың Shanghai Composite индексі 0,2%-ға, ал Гонконгтың Hang Seng индексі 0,1%-ға төмендеді.
АҚШ пен Қытай арасындағы сауда қатынастарының бәсеңдеуі байқалатынына қарамастан, инвесторлардың оптимизмі сақталып отыр. Алайда, АҚШ-тың Қытайдағы елшісі Дэвид Пердьюдің мәлімдеуінше, АҚШ Президенті Дональд Трамп пен ҚХР Төрағасы Си Цзиньпиннің кездесуі күзде емес, келесі жылы өтуі мүмкін, деп хабарлайды Trading Economics.
Hang Seng индексінің құлдырауында көш бастаған – Haier Smart Home компаниясының акциялары, олар 4%-ға арзандады. Сонымен қатар, Lenovo – 2,8%, China Unicom (Hong Kong) Ltd. – 2,7%, Midea Group және China Merchants Bank – 2,3%-ға төмендеді.
Ал өсім көрсеткендер қатарында Zijin Mining Group – 5,6%, Baidu Inc. (SPB: BIDU) – 4%, Xiaomi (SPB: 1810) – 3,4%, WuXi AppTec – 3,1%, JD.com Inc. (SPB: JD) – 5,8%-ға өсті.
Chery автокомпаниясының акциялары IPO аясында $1,2 млрд көлемінде алғашқы сауда күні 5,9%-ға қымбаттады.
Жапонияның Nikkei 225 индексі 0,2%-ға өсуде.
Жапония Банкі Басқарушылар кеңесінің кейбір мүшелері шілде айындағы отырыс кезінде проценттік мөлшерлемені одан әрі арттыруды қолдаған. Дегенмен, сол отырыста ставка 0,5% деңгейінде өзгеріссіз қалды, деп көрсетілген отырыс хаттамасында.
Кеңес мүшелерінің пікірінше, Жапония Банкі бекіткен негізгі ставка әлі де бейтарап деңгейден төмен, ал бағалар жоғары күйінде қалып отыр, және ЖІӨ алшақтығы нөлге жақын.
Сондай-ақ, азық-түлік нарығындағы инфляциялық қысымның, әсіресе күріш сегментінде, әлсірейтіні айтылды. Сонымен бірге, экономиканың біртіндеп қалпына келуіне және АҚШ тарапынан енгізілген импорттық баж салығының салдарын мұқият бақылаудың маңыздылығы атап өтілді. Кеңес мүшелерінің бірі бұл әсерлерді толық бағалау үшін 2-3 ай қажет болуы мүмкін екенін мәлімдеді.
Nikkei 225 индексіндегі ең көп өсім көрсеткен – Sumitomo Metal Mining акциялары (+10,6%). Сонымен қатар, Mitsubishi Materials – 8%, Dowa Holdings – 5,1%, Japan Exchange Group – 4,5%-ға қымбаттады.
Ал Sompo Holdings – 2,6%, Chugai Pharmaceutical – 2,4%, Advantest – 2,3%, Terumo – 2,2%, Sumitomo Pharma – 2,1%-ға арзандаған.
Оңтүстік Кореяның Kospi индексі 0,2%-ға төмендеуде. Hyundai Motor акциялары 0,7%-ға, Korean Air Lines – 0,9%-ға арзандаған. Алайда Posco – 1,1%, Samsung Electronics – 0,5%-ға өскен.
Австралияның S&P/ASX 200 индексі 0,1%-ға ұлғайды. BHP компаниясының капитализациясы 3,4%-ға, Rio Tinto – 3,5%-ға артты.
