МӘСКЕУ. 10 қыркүйек. ИНТЕРФАКС – Бейсенбі күні Азияның негізгі қор индекстері төмендеді. Бұған бір күн бұрын Уолл-стриттегі сауданың құлдырауы әсер етті.
Таяу Шығыстағы қақтығыстың жалғасуына байланысты мұнай бағасының жоғары болуы да нарыққа қысым түсіріп отыр.
АҚШ мемлекеттік облигациялары кірістілігінің өсуі инвесторлардың тәуекелді активтерге қызығушылығын бәсеңдетті. АҚШ Қаржы министрлігі 10 қыркүйекте ұзақ мерзімді мемлекеттік облигацияларды кері сатып алуға $6 млрд-қа дейін қаржы бөлетінін мәлімдеді. Нарық $8–10 млрд көлеміндегі сатып алуды күткен еді.
Қытайдың Shanghai Composite индексі 0,4%-ға, Гонконгтың Hang Seng индексі 1,3%-ға төмендеді.
Hang Seng құрамында Weichai Power машина жасау компаниясының акциялары 6,7%-ға арзандап, ең көп төмендеген бағалы қағаздардың көшін бастады.
Laopu Gold компаниясының нарықтық құны 4,1%-ға, Meituan, CSPC Pharmaceutical және Hansoh Pharmaceutical компанияларының акциялары 3,7%-ға төмендеді.
Ал China Unicom акциялары 2,7%-ға, China Life Insurance Co. 2,2%-ға, Hua Hong Grace Semiconductor 2%-ға қымбаттады. China Telecom мен CNOOC акциялары 1,5%-ға, PetroChina Co. 1,4%-ға өсті.
Жапонияның Nikkei 225 индексі 0,3%-ға төмендеді.
Жапония Қаржы министрлігінің мәліметінше, 5 қыркүйекте аяқталған аптада шетелдік инвесторлар жапон акцияларына салған қаржысын 690 млрд иенге ($4,49 млрд) арттырды. Бұл – шілдеден бергі ең жоғары көрсеткіш. Ал оның алдындағы аптада таза капитал ағыны 35,9 млрд иен болған.
Nikkei 225 құрамында Japan Steel Works акциялары 6,9%-ға арзандап, ең көп төмендеді. Mitsui Kinzoku акциялары 6,7%-ға, Shimizu Corp. 5,8%-ға, Nintendo мен Taisei 5,6%-ға арзандады.
Sharp Corp. акциялары, керісінше, 4,9%-ға қымбаттады. Resona Holdings пен Aozora Bank бағалы қағаздары 3,4%-ға, Nomura Holdings пен Shizuoka Financial Group акциялары 3%-ға өсті.
Оңтүстік Кореяның Kospi индексі 0,3%-ға төмендеді. Samsung Electronics акциялары 0,2%-ға, SK Hynix 0,1%-ға, Korean Air Lines 1,4%-ға, Hyundai Motor 0,4%-ға арзандады. Posco акциялары 0,6%-ға қымбаттады.
Австралияның S&P/ASX 200 индексі 1,4%-ға төмендеді.
Мельбурн институтының дерегінше, қыркүйекте австралиялықтардың инфляциялық болжамы алдыңғы аймен салыстырғанда өзгермей, 4,9% деңгейінде қалды.
BHP акциялары 2,5%-ға, Rio Tinto бағалы қағаздары 3,3%-ға арзандады.
