Париж. 25 қыркүйек. ИНТЕРФАКС – Париж қылмыстық соты бейсенбі күні Францияның экс-президенті Николя Саркозиді 2007 жылғы президенттік сайлауалды науқаны кезінде қылмыстық сөз байласуға қатысы бар деп таныды, деп хабарлайды француздық BFM TV телеарнасы.
“Бұрынғы мемлекет басшысы Ливия ісі бойынша кінәлі деп танылды. Іс Муаммар Каддафи басшылық еткен Ливия тарапынан 2007 жылғы сайлауалды науқанды заңсыз қаржыландыруға қатысты”, – делінген телеарна хабарламасында.
Сонымен бірге, Саркозиге қатысты сыбайлас жемқорлық айыптары бойынша ақтау үкімі шығарылды.
Бұл қылмыстық іс бойынша бірнеше өзге айыпталушы да толық ақталып шықты.
Аталған тергеу он жылдан астам уақытқа созылды.
