Вашингтон. 11 шілде. ИНТЕРФАКС. АҚШ президенті Дональд Трамп NBC News-ке берген сұхбатында өз елінің арнайы сауда келісімдері жоқс еріктестеріне қатысты 15–20% мөлшерінде бірыңғай кедендік тариф енгізуді жоспарлап отырғанын мәлімдеді.
Трамп NBC News арнасына берген сұхбатында: «Біз шетелдік елдердің барлығы 20% немесе 15% көлемінде баж салығын төлейтінін айтпақпыз. Қазір бұл мөлшерді нақтылап жатырмыз», – деді.
Қазір мұндай жалпы тариф мөлшері 10% деңгейінде екенін телеканал атап өтті.
Президент сондай-ақ бұл бастама АҚШ қор нарығына немесе инфляцияға кері әсер етеді деген пікірлерге қарсы уәж айтты. «Менің ойымша, тарифтер жақсы қабылданды. Бүгін қор нарығы жаңа рекорд орнатты», – деді ол.
Бұған дейін Трамп әкімшілігі осы аптаның дүйсенбісінен бастап АҚШ-қа тауар экспорттайтын елдерге жаңа кедендік баж салығы туралы ресми хаттар жолдайтынын хабарлаған. Ол құжаттарда көрсетілген тарифтер 1 тамыздан бастап күшіне енеді.
Алайда NBC News-ке берген сұхбатында Трамп: «Барлық елдерге хат жолдау міндетті емес. Біз өз тарифімізді бекітеміз де, іске кірісеміз», – деп атап өтті.
