Дубай. 20 сәуір. ИНТЕРФАКС – Пәкістан билігі Иран тарапының келіссөздерге қатысудан бас тартатыны туралы мәлімдемесіне қарамастан, Исламабадта АҚШ пен Иран делегацияларының келуіне дайындықты жалғастырып отыр. Бұл туралы дүйсенбі күні Al Jazeera хабарлады.
Телеарна мәліметінше, Пәкістан астанасында қауіпсіздік шаралары күшейтілген: қалада қоғамдық тәртіпті қамтамасыз етуге шамамен 20 мың полиция қызметкері мен әскерилендірілген құрылымдар тартылған.
Сондай-ақ, дереккөздің хабарлауынша, америкалық делегация қазіргі уақытта Пәкістанға бағыт алған. Бұған қоса, Пәкістан билігі тараптарды келіссөз үстеліне отырғызу үшін «бейресми деңгейде» күш-жігер жұмсауда.
Бұған дейін америкалық делегация дүйсенбі күні Исламабадқа келеді, ал келіссөздер сейсенбіге жоспарланғаны хабарланған болатын. Алайда кейінірек Иран билігі АҚШ-тың бұл үдеріске жеткілікті дәрежеде жауапкершілікпен қарамай отырғанын алға тартып, келіссөздердің жаңа кезеңіне қатысуды әзірге жоспарламайтынын мәлімдеді.
