Дубай, 24 сәуір. ИНТЕРФАКС – Кувейт АҚШ пен Израильдің Иранға қарсы операциясы басталғаннан бері алғаш рет өз әуе кеңістігін қайта ашты.
Кувейт халықаралық әуежайындағы әуе кеңістігі 28 ақпаннан бастап аймақтағы жағдайға байланысты сақтық шарасы ретінде уақытша жабылған еді. Енді ол бейсенбі күні қайта іске қосылды. Бұл туралы Азаматтық авиация басқармасының бас директоры Хамуд Мубарак мәлімдеді.
Оның айтуынша, бұл қадам алдағы уақытта әуежайды толыққанды жұмысқа дайындау мақсатында әуе қатынасын кезең-кезеңімен қалпына келтіру жоспарының бір бөлігі болып табылады.
Сондай-ақ, билік Иран мен оған байланысты қарулы топтардың әрекеттері салдарынан әуежай нысандарына келтірілген залалды бағалау жұмыстарын аяқтаған.
Мубарак осы кезеңде қолдау көрсеткені үшін Сауд Арабиясына алғыс білдірді.
Ал Кувейт үкіметі елдің екі әуе компаниясы – Kuwait Airways және Jazeera Airways жексенбіден бастап рейстерін қайта бастайтынын хабарлады.
Айта кетейік, Кувейт халықаралық әуежайы АҚШ пен Израильдің Иранға қарсы операциясы басталғаннан бері жұмысын тоқтатқан болатын. Осы уақыт ішінде барлық рейстер Сауд Арабиясына бағытталып келген.
