Берлин. 19 шілде. ИНТЕРФАКС – АҚШ-тың Ирандағы салынып жатқан «Дарховин» атом электр станциясына (АЭС) жасаған соққылары радиацияның таралуына әкелген жоқ. Себебі нысан құрылыстың бастапқы кезеңінде болған. Бұл туралы жексенбі күні Атом энергиясы жөніндегі халықаралық агенттік (МАГАТЭ) мәлімдеді.
«Станция құрылыстың өте ерте сатысында тұр. МАГАТЭ-нің соңғы инспекциясы кезінде онда ядролық материалдар болған жоқ», – делінген агенттіктің X әлеуметтік желісіндегі хабарламасында.
Осыған байланысты МАГАТЭ бағалауынша, радиацияның таралу қаупі жоқ.
Сонымен қатар МАГАТЭ-нің бас директоры Рафаэль Гросси атом электр станциялары орналасқан аудандарға соққы жасаудан бас тартуға тағы да шақырды.
Бұған дейін Иранның Атом энергиясы ұйымы АҚШ әскері Хузестан провинциясындағы салынып жатқан «Дарховин» атом электр станциясына соққы жасағанын хабарлаған болатын.
Ұйым мәліметінше, жексенбіге қараған түні АЭС салынып жатқан алаң бірнеше рет шабуылға ұшыраған. Қираудың ауқымы туралы ақпарат жарияланған жоқ.
«Дарховин» атом электр станциясының құрылысы 2022 жылы басталған.
