Гонконг. 27 тамыз. ИНТЕРФАКС – Оңтүстік Корея мен АҚШ әскери қызметшілері осы аптада өзара үйлесімділікті нығайту мақсатында өзеннен өту бойынша бірлескен оқу-жаттығу жұмыстарын жүргізді. Бұл туралы Оңтүстік Кореяның Құрлық әскері хабарлады.
Үш күндік жаттығу дүйсенбі күні Сеулден оңтүстік-шығысқа қарай 65 шақырым жердегі Кёнгидо провинциясында орналасқан Намханган өзенінің маңында басталды. Оқу-жаттығуға 300 әскери қызметкер мен әртүрлі техникалар, оның ішінде M3 амфибиялық машиналары және понтондық өткелдер тартылды.
Әскери қызметкерлер жаттығу барысында 280 метрлік қалқымалы көпір тұрғызып, өзеннің қарсы бетіне табысты өтті.
Бұл жаттығулар – 18 тамызда басталып, 11 күнге созылатын Ulchi Freedom Shield атты жыл сайынғы Оңтүстік Корея мен АҚШ-тың бірлескен оқу-жаттығу аясында жүзеге асырылды.
