Астана. 22 қыркүйек. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Халық кеңесінің алғашқы сессиясын 23–24 қыркүйекте өткізу туралы өкімге қол қойды.
Президенттің сейсенбі күні ресми сайтында жарияланған өкімінде: «Қазақстан Халық Кеңесінің бірінші сессиясы 2026 жылғы 23–24 қыркүйекте Астана қаласында шақырылсын», – деп көрсетілген.
Халық кеңесінің хатшылығына алғашқы сессияны ұйымдастыру жөнінде тиісті шаралар қабылдау тапсырылды.
Бұған дейін, сейсенбі күні Мемлекет басшысы 126 адамнан тұратын Халық кеңесінің құрамын бекіткен болатын.
Жаңа Конституция күшіне енгеннен кейін Қазақстан халқы Ассамблеясының орнына жоғары консультативтік орган – Халық кеңесі құрылды. Оның құрамына еліміздегі түрлі этностардың өкілдері енген. Кеңестегі 126 орынның 42-сі этномәдени бірлестіктерге, 42-сі ірі қоғамдық бірлестіктерге, тағы 42-сі мәслихаттар мен өңірлік қоғамдық кеңестерге тиесілі.
Халық кеңесінің мүшелерін Президент тағайындайды. Ал төрағаны Кеңес мүшелері сессияда өз арасынан сайлайды.
15 наурыздағы референдумда қабылданған Қазақстанның жаңа Конституциясы 2026 жылғы 1 шілдеде күшіне енді.
