Астана. 27 қаңтар. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Аскарбек Ертаевты Еңбек және халықты әлеуметтік қорғау министрі қызметіне тағайындау туралы жарлыққа қол қойды. Бұл туралы мемлекет басшысының баспасөз қызметі хабарлады.
«Ертаев Аскарбек Маратович Қазақстан Республикасының Еңбек және халықты әлеуметтік қорғау министрі болып тағайындалсын», – делінген жарлық мәтінінде.
49 жастағы Аскарбек Ертаев 2025 жылғы маусым айынан бері Еңбек және халықты әлеуметтік қорғау министрлігінің бірінші вице-министрі қызметін атқарған. Әр жылдары Премьер-министр кеңсесінің экономикалық бөлімін басқарған, сондай-ақ министрліктің көші-қон комитетінің төрағасы болған.
Бұл лауазымда ол осы күні қызметінен босатылған Светлана Жақыпованы алмастырды.
