Астана. 11 сәуір. Интерфакс-Қазақстан – Қазақстан Президенті Қасым-Жомарт Тоқаев АҚШ Президенті Дональд Трампты «Артемида-2» миссиясының сәтті орындалуымен құттықтады, деп хабарлады мемлекет басшысының баспасөз қызметі.
«Мемлекет басшысы соңғы жарты ғасырдағы адамзаттың Айға алғашқы ұшуын жүзеге асырған және ғарышты игеруде жаңа тарихи кезеңді айқындаған “Артемида-2” миссиясының табысты аяқталуына байланысты АҚШ президентіне құттықтау жеделхатын жолдады», – делінген сенбі күні таратылған хабарламада.
Қ. Тоқаев американдық ғылымның серпінді жетістіктерін жоғары бағалап, олардың таным көкжиегін кеңейтіп, бүкіл әлемдегі жаңа буын ғалымдар, инженерлер мен зерттеушілер үшін шабыт көзіне айналып отырғанын атап өтті.
Қазақстан Президенті Д. Трампқа «Артемида» бағдарламасын және ғарыш саласындағы өзге де бастамаларды жүзеге асыруда табыс тіледі.
