Астана. 11 сәуір. Интерфакс-Қазақстан – Өзбекстан Президенті Шавкат Мирзиёев Бұхара қаласында өткен бейресми кездесу барысында Қазақстан Президенті Қасым-Жомарт Тоқаевқа бірқатар тарихи құжаттарды табыс етті, деп хабарлады Қазақстан басшысының баспасөз қызметі.
«Атап айтқанда, Қазақстан тарапына Өзбекстан аумағынан табылған 1920–1950 жылдарға жататын құнды құжаттардың, сызбалардың және фотоматериалдардың көшірмелері берілді. Бұл материалдар Түркістандағы Қожа Ахмет Ясауи кесенесі мен Рабия Сұлтан Бегім кесенесіне қатысты», – делінген хабарламада.
Баспасөз қызметінің мәліметінше, аталған материалдардың көпшілігі осы уақытқа дейін ғылыми айналымға енгізілмеген және олардың мәдени-тарихи маңызы зор.
