Евразия24ЖаңалықтарҚазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін –...

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

|

|

Астана. 20 қараша. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

«Жақында біз жасанды интеллект саласындағы әлемнің жетекші компанияларының басшыларын қабылдадық. Олар бізге жасанды интеллектіні ең алдымен ауыл шаруашылығына енгізуге кеңес берді. Өйткені, өкінішке қарай, әлемдегі азық-түлік қауіпсіздігінің болашағына қатысты болжамдар көңіл көншітпейді», – деді Тоқаев жұма күні өткен ауыл шаруашылығы еңбеккерлерінің үшінші форумында.

Президенттің сөзінен үзінділерді Ақорданың баспасөз қызметі таратты.

Мемлекет басшысы қазіргі уақытта Эль-Ниньо табиғи құбылысының салдары жан-жақты зерттеліп жатқанын атап өтті.

«Айта кету керек, болжамдар аса қуантпайды. Алайда қалыптасқан жағдайда Қазақстанның зор артықшылығы бар. Біз осы мүмкіндікті тиімді пайдаланып, ауыл шаруашылығына жасанды интеллектіні енгізу арқылы алға озып, әлемдік деңгейдегі азық-түлік базасына айнала аламыз», – деді Тоқаев.

Президенттің айтуынша, бұл міндетті жүзеге асыру ең алдымен Үкімет пен осы мәселеге жауапты құрылымдарға жүктелуі тиіс. Жасанды интеллектіні пайдалану несие беру туралы шешімдердің әділдігі мен ашықтығын арттыруға, өтінімдерді қарау мерзімін қысқартуға және әкімшілік кедергілерді азайтуға мүмкіндік береді.

«Қайталап айтамын, біз ауыл шаруашылығының тиімділігін жасанды интеллект арқылы бірнеше есе арттыру жолдарын жан-жақты зерделеуіміз қажет. Өйткені бұл саладағы қазіргі көрсеткіштер әлі де көңіл көншітпейді. Әрине, ауыл шаруашылығының өнімділігін арттыру үшін қаржы құралдарын да белсенді әрі тиімді пайдалану керек», – деді Тоқаев.

Мемлекет басшысы ауыл шаруашылығындағы еңбек өнімділігіне қатысты мәселелер бар екенін де мойындады. Оның айтуынша, Үкімет халықаралық қаржы институттарымен бірлесіп, әлемдік озық тәжірибені ескеретін арнайы бағдарлама әзірлеуі қажет.

«Бағдарлама ұзақ мерзімді қаржыландыруды тартуға, техникалық және сараптамалық қолдау көрсетуге, заманауи технологиялар мен озық ғылыми әзірлемелерді енгізуге бағытталуы тиіс», – деді Президент.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.

Азия-Тынық мұхиты өңірінің қор индекстері төмендеп жатыр

Жұма күнгі сауда барысында Азия-Тынық мұхиты өңірінің қор индекстері айтарлықтай төмендеді. Осы апта өңірдің қор нарықтары үшін соңғы алты жылдан астам уақыт ішіндегі ең сәтсіз кезең болуы мүмкін.

Сауд Арабиясы қыркүйекте мұнай өндіру көлемін 34%-ға, экспортын 21%-ға арттырды – JODI

Сауд Арабиясы қыркүйек айында мұнай өндіру көлемін тамызбен салыстырғанда 34,2 пайызға, ал экспортын 20,9 пайызға ұлғайтты. Бұл туралы Joint Organization Data Initiative (JODI) ұйымының сайтында хабарланды.