Астана. 10 наурыз. ИНТЕРФАКС-ҚАЗАҚСТАН – Қазақстанда жаңа Конституция бойынша өтетін референдумды 359 бақылаушы қадағалайды. Бұл туралы Орталық референдум комиссиясының (ОРК) төрағасы Нұрлан Әбдіров хабарлады.
«15 наурызда өтетін референдумға 38 шет мемлекеттен 133 бақылаушы және 11 халықаралық ұйымнан 226 бақылаушы қатысады. Жалпы саны – 359 бақылаушы», – деді Әбдіров сейсенбі күні ОРК отырысында.
Оның айтуынша, бақылаушыларды аккредиттеу 9 наурыз күні сағат 18:00-де аяқталған.
Сонымен қатар Қазақстан Сыртқы істер министрлігінің ерекше тапсырмалар жөніндегі елшісі Ерлан Әлімбаевтың мәліметінше, референдум барысын 68 шетелдік бұқаралық ақпарат құралынан 185 журналист жариялап отырады.
Қазақстанда жаңа Конституция жобасы бойынша республикалық референдум 15 наурызда өтеді.
