Бейжің. 20 қазан. ИНТЕРФАКС – Қытай экономикасы 2025 жылдың үшінші тоқсанында 4,8 пайызға өсіп, соңғы бір жыл ішіндегі ең баяу даму қарқынын көрсетті. Бұл туралы Қытайдың Мемлекеттік статистика басқармасы хабарлады.
Сәуір-маусым аралығындағы кезеңде ішкі жалпы өнім 5,2 пайызға артқан болатын. Сарапшылардың болжамы да экономика өсімінің 4,8 пайызға дейін баяулауын көрсеткен еді (Trading Economics деректері).
2025 жылдың шілде-қыркүйек айларында Қытай ЖІӨ алдыңғы тоқсанмен салыстырғанда 1,1 пайызға артты. Бұл көрсеткіш сарапшылар күткен 0,8 пайыздан жоғары болды. Ал екінші тоқсандағы көрсеткіш қайта есептеу нәтижесінде 1 пайыз деңгейінде тіркелді.
Жыл басынан бері ел экономикасы 5,2 пайызға ұлғайып, жалпы көлемі 101,5 триллион юаньға (шамамен $14,24 трлн) жетті.
Сондай-ақ, осы тоғыз ай ішінде Қытай тұрғындарының жан басына шаққандағы орташа кірісі 5,1 пайызға өсіп, 32 510 юаньды құрады.
Еске салайық, 2024 жылдың қорытындысы бойынша Қытай экономикасының жылдық өсімі 5 пайыз болған еді. 2025 жылға арналған әлеуметтік-экономикалық даму жоспары да дәл осы деңгейде жоспарланған.
