Дубай. 16 наурыз. ИНТЕРФАКС – Сауд Арабиясының билігі АҚШ президенті Дональд Трамппен байланыс барысында Иранға қарсы әскери операцияны жалғастыру қажеттігін айтып отыр деген ақпарат шындыққа сәйкес келмейді. Бұл туралы «Әл-Арабия» телеарнасы дереккөзге сілтеме жасап хабарлады.
«Сауд Арабиясындағы дереккөз дүйсенбі күні “Әл-Арабия” арнасына берген мәлімдемесінде The New York Times (NYT) газетінде жарияланған, корольдік басшылығы Иранмен соғыстың созылуына ықпал етіп отыр деген мазмұндағы материал шындыққа жанаспайтынын айтты», – деп хабарлады телеарна.
Бұған дейін NYT дереккөздері Сауд Арабиясының тақ мұрагері Мұхаммед бен Салман Трампқа Иранға қарсы соққыларды жалғастыруды ұсынып отыр деген мәлімет таратқан болатын.
Басылымның жазуынша, Трамп Иранмен байланысты қақтығыс мәселесі бойынша араб елдерінің өзге де басшыларымен тұрақты түрде байланыс жасап отыр. Сондай-ақ ол Израильдің премьер-министрі Биньямин Нетаньяхумен де үздіксіз байланыста.
