БЕЙЖІҢ. 24 шілде. INTERFAX – ҚХР Төрағасы Си Цзиньпин Еуроодақ пен Қытай арасындағы өзара қатынастарды дамытуда ЕО басшылығы ұзақ мерзімді мүдделер мен халықтардың игілігін басшылыққа алуы тиіс екенін мәлімдеді.
«Ғаламдық өзгерістер үдей түскен және халықаралық жағдай күрделі сипат алған қазіргі кезеңде Қытай мен Еуроодақ басшылары алдағыны ойлайтын, жауапкершілікке негізделген ұстаным танытып, халық үмітіне сай әрі тарихи сынақтарға төтеп бере алатын дұрыс стратегиялық шешім қабылдауы қажет», – деді Си Цзиньпин «Синьхуа» агенттігінің хабарлауынша, Қытай астанасында Еуропалық кеңес төрағасы Антониу Кошта мен Еуропалық комиссия төрайымы Урсула фон дер Ляйенмен өткізілген кездесуде.
Мемлекет басшысы Қытай мен ЕО арасындағы қатынастар өзара құрметке, айырмашылықтарды мойындай отырып, ортақ мүдделерді іздеуге, ашық әрі өзара тиімді ынтымақтастыққа негізделуі тиіс екенін атап өтті.
Си Цзиньпиннің айтуынша, Қытай мен Еуроодақ – көпжақтылықты және ашық халықаралық серіктестікті қолдайтын конструктивті күштер.
«Халықаралық жағдай неғұрлым күрделі және тұрақсыз болса, Қытай мен ЕО арасындағы байланыс пен сенімді нығайтып, ынтымақтастықты тереңдете түсу соғұрлым маңызды. Бұл әлемдік тұрақтылық пен айқындықты қамтамасыз етуге ықпал етеді», – деді ҚХР төрағасы.
Антониу Кошта мен Урсула фон дер Ляйен ресми сапармен Бейжіңде жүр.
