Стамбул, 16 сәуір. ИНТЕРФАКС – Түркия құқық қорғау органдары осы аптада мектептерде болған екі атыс оқиғасынан кейін 162 адамды ұстады. Бұл туралы «Хюрриет» газеті елдің әділет министрі Акын Гюрлек-ке сілтеме жасап хабарлады.
Министрдің айтуынша, ұсталғандар бұл шабуылдар туралы жалған ақпарат таратты және интернетте оларды ашық түрде қолдады деген күдікке ілінген.
Гюрлектің сөзінше, тәртіп сақшылары әлеуметтік желілердегі 1,1 мыңнан астам аккаунтты бұғаттаған.
«Біз халық арасында қорқыныш, үрей мен дүрбелең тудыратын контент таратқан көптеген аккаунттарды анықтадық. Бұл аккаунттар жаңылыстыратын ақпарат таратып, қылмыстар мен қылмыскерлерді дәріптеген», – деді министр.
Бір күн бұрын Түркияның оңтүстік-шығысындағы Кахраманмараш қаласындағы орта мектепте жасөспірім оқ жаудырып, тоғыз адамды өлтірген. Шабуыл жасаған адам көз жұмды.
Ал бұдан бір күн бұрын Шанлыурфа провинциясындағы оқу орнына бұрынғы оқушы кіріп, 16 адамды жаралаған. Кейін ол өз-өзіне қол жұмсаған.
