Мадрид, 23 қыркүйек. – Венесуэла АҚШ-тың елге немесе бүкіл аймаққа бағытталуы мүмкін кез келген әрекетіне қарсы тұратынын мәлімдеді. Бұл туралы сыртқы істер министрі Иван Хиль ұлттық телеарна арқылы хабарлады.
Министрдің айтуынша, Каракас тек Венесуэлаға қатысты ғана емес, Латын Америкасы мен Кариб бассейнінде де ықтимал қауіп-қатерлердің алдын алуға әзір.
Сонымен қатар ол Каракастың Вашингтонға ашық диалог ұсынғанын еске салды. Бұған дейін вице-президент Делси Родригес президент Николас Мадуроның АҚШ басшысы Дональд Трампқа жолдау жіберіп, арнайы өкіл Ричард Гренеллмен тікелей келіссөз жүргізуге дайын екенін жеткізгенін мәлімдеген.
Айта кетсек, АҚШ есірткі картельдеріне қарсы операция сылтауымен Венесуэла жағалауындағы әскери күшін күшейткен болатын. Каракас бұл қадамды «агрессиялық әрекет» деп бағалады.
