Вашингтон. 7 қаңтар. ИНТЕРФАКС – АҚШ президенті Дональд Трамп Венесуэланың уақытша билігі Америка Құрама Штаттарына 30–50 млн баррель мұнай беретінін мәлімдеді.
«Венесуэланың уақытша билігі санкцияға ілінген жоғары сапалы мұнайдың 30–50 млн баррелін Америка Құрама Штаттарына беретінін хабарлауға қуаныштымын», – деп жазды Трамп Truth Social әлеуметтік желісіндегі парақшасында.
Оның айтуынша, бұл мұнай нарықтық бағамен сатылатын болады.
«Америка Құрама Штаттарының президенті ретінде мен бұл қаражатты жеке бақылауда ұстаймын және оның Венесуэла халқы мен АҚШ мүддесіне сай пайдаланылуын қамтамасыз етемін», – деп қосты Трамп.
Сондай-ақ АҚШ президенті бұл жоспарды жедел іске асыруды елдің энергетика министрі Крис Райтқа тапсырғанын айтты.
Трамптың сөзінше, мұнай танкерлерге тиеліп, тікелей АҚШ-тағы түсіру терминалдарына жеткізілетін болады.
