Астана. 25 мамыр. ИНТЕРФАКС-ҚАЗАҚСТАН – Ресей президенті Владимир Путин 27-29 мамыр аралығында Қазақстанға мемлекеттік сапармен келеді, деп хабарлады Қазақстан президентінің баспасөз қызметі.
«Президент Қасым-Жомарт Тоқаевтің шақыруымен 27-29 мамыр күндері Қазақстанға Ресей Федерациясының президенті Владимир Путин мемлекеттік сапармен келеді. Келіссөздер барысында мемлекет басшылары Қазақстан мен Ресей арасындағы жан-жақты стратегиялық серіктестік пен одақтастық қатынастарды нығайтудың қазіргі жағдайы мен келешегін талқылайды», – делінген дүйсенбі күні таратылған хабарламада.
28 мамыр күні мемлекет басшыларының қатысуымен Еуразиялық экономикалық форум өтеді.
29 мамырда Еуразиялық экономикалық одақ Жоғары Еуразиялық экономикалық кеңесінің отырысы өтетіні хабарланды.
