Дубай, 17 шілде. ИНТЕРФАКС – Сирияның уақытша президенті Ахмед аш-Шараа ел халқы соғыстан қорықпайтынын және өз абыройы үшін күресуге дайын екенін мәлімдеді. Бұл туралы сәрсенбі күні араб БАҚ хабарлады.
«Біз соғыстан қорықпаймыз. Біз өмір бойы қиындықпен бетпе-бет келіп, халқымызды қорғап келеміз. Алайда хаос пен күйреуге жол бермей, сириялықтардың мүддесін алдыңғы орынға қойдық», – деді аш-Шараа.
Ол Израильдің Сирияны тұрақсыздық аймағына айналдыруға тырысып отырғанын айтып, мұндай сценарийге жол беруге болмайтынын жеткізді.
Аш-Шараа друз халқын елдің ажырамас бөлігі деп атап, Израиль әрекеттерінің қоғамда алауыздық туғызуға бағытталғанын айыптады. «Бізішкі немесе сыртқы араздық тудыру әрекеттерін қабылдамаймыз. Біз бәріміз– осы жердің серіктесіміз. Ешкімге Сирияның көптүрлі бейнесін бұрмалауғажол бермейміз», – деді ол.
Уақытша президенттің айтуынша, друз халқының құқықтары мен бостандықтарын қорғау – билік үшін басты басымдықтардың бірі. Аш-ШарааЭс-Сувейде провинциясындағы қауіпсіздікке жауапкершілік жергіліктітоптар мен друз қауымының рухани көшбасшыларына жүктелгенін атап өтті.
Сонымен қатар, ол қажет болған жағдайда халық елдің абыройын қорғауүшін күресуге дайын екенін айтты.
Еске салайық, 14 шілдеде Сирияның Эс-Сувейде провинциясында үкіметкүштері мен друздар арасында болған қақтығыста кемінде 34 адам қазатапқан. Бұдан кейін Израиль премьер-министрі Биньямин Нетаньяху Израильдің шекарадағы демилитаризацияланған аймақты сақтау және друз халқын қорғау жөніндегі міндеттемелерін еске салды.
Сәрсенбі күні Израиль Қорғаныс армиясы (ЦАХАЛ) Сирия Қарулыкүштерінің Бас штабы мен Дамасктегі президент сарайына соққы жасады.
Друздар – Ливан, Сирия, Иордания және Израильде тұратын араб этноконфессиялық тобы. Олар таухид дінін ұстанады.
