ERTIS телеарнасының хабарлауынша, Беларусьтің Гомель облысына қарасты Мозырь қаласындағы №8 мектепке Кеңес Одағының Батыры, павлодарлық Михаил Катаевтың есімі ресми түрде берілді.
Салтанатты рәсім оқу орнының аумағында өтіп, шараға көптеген қатысушылар жиналды.
Бұған дейін, бір жыл бұрын, қазақстандық «Майдан жолы» іздестіру тобының бастамасымен дәл осы мектеп аумағында Михаил Катаевқа арналған ескерткіш-бюст ашылған. Ол – Павлодар облысы, Осьмерыжск ауылының тумасы, Мозырьді азат ету кезінде ерлікпен қаза тапқан.
Бұл оқиға Беларусь пен Қазақстан халықтарының ұрпақтар жадын сақтаудағы өзара байланысының нышанына айналды.
Евразия24 пікірі:
Беларусьтің Мозырь қаласындағы №8 мектепке Кеңес Одағының Батыры, қазақстандық Михаил Катаевтың есімі берілуіне арналған салтанатты рәсімге Қазақстан Республикасының Беларусь Республикасындағы Төтенше және Өкілетті Елшісі, ТМД Жарғылық органдарындағы Тұрақты өкіл қызметін қоса атқарушы Тимур Жақсылықов қатысты.
Сондай-ақ шараға Мозырь ауданы атқарушы комитетінің төрайымы Елена Павлечко, Павлодарлық «Майдан жолы» іздестіру-зерттеу тобының командирі Александр Шитов, «Беларусь суворовтары мен кадеттері одағы» қоғамдық бірлестігінің аудандық бөлімшесінің төрағасы Михаил Боровский, №8 мектептің түлегі, Мозырь ауданының Құрметті азаматы Александр Зборовский, кәсіпкер әрі меценат Воскан Чобанян, сондай-ақ жас патриоттар мен белсенді тұрғындар қатысты.
Бұл оқиға Беларусь пен Қазақстан халықтары арасындағы тарихи жад пен ұрпақтар сабақтастығын нығайтатын тағы бір маңызды нышанына айналды. Александр Шитов жетекшілігімен «Майдан жолы» іздестіру отряды 16 жыл ішінде Беларусьте үш экспедиция өткізді.
Мысалы, 2022 жылдың жазында Витебск облысының Дубровно ауданында қазақстандық іздеушілер беларусьтық әріптестерімен бірге екі атқыштар дивизиясы мен бір бригада құрамында шайқасқан 18 қазақстандық жауынгердің жерленген орнын тапқан.
Сол кезде кейбір қаза тапқан сарбаздардың сүйектері әскери құрметпен Қазақстанға жеткізіліп, туған жерінде қайта жерленген.
