Минск. 16 шілде. ИНТЕРФАКС — Финляндияда Ресей мен Беларусь азаматтарына жылжымайтын мүлік сатып алуға және сатуға қатысты мәмілелер жасауға ресми түрде тыйым салынды. Бұл туралы елдің қорғаныс министрі Антти Хяккянен әлеуметтік желіде хабарлады.
«Бұл — тым ұзаққа созылып кеткен маңызды реформа», — деп жазды министр X әлеуметтік желісіндегі парақшасында.
«Аталған заңның қабылданып, күшіне енгеніне өте қуаныштымын. Бұл — Финляндия қауіпсіздігін нығайтуға бағытталған нақты қадам», — деп атап өтті Хяккянен.
Еске сала кетейік, бұған дейін Финляндия парламенті қорғаныс министрлігіне елдің қауіпсіздігіне қатер төндіруі мүмкін мемлекеттердің азаматтары мен ұйымдарының жылжымайтын мүлікпен жасаған мәмілелеріне тосқауыл қоюға құқық беретін заң жобасын мақұлдаған болатын.
