АСТАНА. 22 шілде. ИНТЕРФАКС-ҚАЗАҚСТАН – 2025 жылы елімізде жалпы құны 1,6 трлн теңге болатын 190 өнеркәсіптік жобаны іске асыру жоспарланып отыр. Бұл туралы ҚР Индустрия және құрылыс вице-министріОлжас Сапарбеков Үкімет отырысында мәлімдеді.
«Ағымдағы жылы өнеркәсіп саласында 190 жобаны іске қосу көзделген, олардың жалпы құны – 1,6 трлн теңге. Бұл шамамен 23 мың тұрақты жұмысорнын ашуға мүмкіндік береді. Оның ішінде тау-кен-металлургия саласында 444 млрд теңгеге 28 жобаны жүзеге асыру көзделуде, бұл бағытта 6,5 мыңжұмыс орны құрылады», – деді вице-министр.
Сапарбековтің айтуынша, Қарағанды облысында тік жікті құбырлар мен алюминий радиаторларын, Түркістан облысында алюминий профильдерін, Ақмола облысында алюминий бұйымдарын өндіру жобалары іске қосылады. Сондай-ақ Павлодар облысында ферросплав, Жамбыл облысында катодтымыс өндірісі жобалары жүзеге асырылады.
«Саланы тиімді, қауіпсіз және экологиялық талаптарға сай ету мақсатында өндірістік үдерістерді технологиялық жаңғырту жұмыстары белсенді жүргізілуде. Сонымен қатар халықаралық стандарттарға сай жаңа қуаттарды іске қосу жоспарланған», – деп атап өтті Олжас Сапарбеков.
Вице-министрдің дерегінше, тау-кен-металлургия кешенінің елдің ЖІӨ-дегіүлесі – 8%, ал саладағы өнім көлемі – 14 трлн теңгеден асады. Бұл бағытташамамен 224 мың адам жұмыспен қамтылған.
«2024 жылдың қорытындысы бойынша салаға 1,7 трлн теңгеден астам инвестиция тартылды. Еңбек өнімділігі 9,4%-ға өсіп, бір жұмысшыға шаққанда $102 мыңды құрады», – деді Сапарбеков.
22 шілдедегі ресми валюта бағамы бойынша 1 АҚШ доллары – 529,44 теңге.
