Иерусалим. 22 шілде. ИНТЕРФАКС-ҚАЗАҚСТАН – Израиль Газа секторындағы соғыс қимылдарын тоқтатуға және анклав тұрғындарына гуманитарлық көмектің кедергісіз жеткізілуін қамтамасыз етуге шақырған 25 елдің Сыртқы істер министрлері қабылдаған бірлескен мәлімдемесін сынғаалды. Бұл туралы The Times of Israel басылымы хабарлады.
«Израиль бұл мәлімдемені шынайылықтан алшақ әрі ХАМАС-қа теріссигнал жіберді», – делінген Израиль Сыртқы істер министрлігінің ресми жауабында.
Министрлік сондай-ақ, БҰҰ-ның гуманитарлық көмек жеткізу тетіктерін «әлсіз» деп бағалады. Өйткені, израильдік тараптың мәліметінше, ХАМАС гуманитарлық көмекті өз қажетіне жаратып, сектордағы билігін нығайтуүшін пайдаланады.
Израиль премьер-министрі кеңсесінің кеңесшісі Дмитрий ГендельманTelegram парақшасында: «Бұл мәлімдемеде ХАМАС-қа қысым көрсетуге қатысты бірде-бір сөз жоқ, бұл тек әділетсіз ғана емес, сонымен қатар зиян», – деп жазды.
Израиль тарапының мәліметінше, атысты тоқтату жөніндегі бірнеше нақтыжәне әділ ұсыныстарды ХАМАС қабылдамай келеді.
Бұған дейін Ұлыбритания, Канада, Австралия, Франция және Италия сындыелдер бастаған 25 елдің сыртқы істер министрлері Израиль үкіметіне гуманитарлық көмекке кедергісіз қолжетімділікті қамтамасыз етіп, атысты тоқтатуға шақырған болатын.
Мәлімдемеде «Израиль үкіметі арқылы гуманитарлық көмек көрсету моделіқауіпті, тұрақсыздықты күшейтеді және Газа тұрғындарының адами қадір-қасиетін аяққа таптайды» деп көрсетілген.
