СТАМБҰЛ. 23 шілде. INTERFAX – Ресей Украина аумағында жүрген немесе Украинадан Еуроодақ елдеріне шығарылған ресейлік балаларды елге қайтару мәселесін Стамбұлда өткен келіссөздерде көтеріп, украин тарапына нақты 20 баланың тізімін тапсырды. Бұл туралы РФ сыртқы істер министрінің орынбасары Михаил Галузин мәлімдеді.
«Бүгін украин тарапының алдына Украина аумағында жүрген немесе Украинадан Еуроодақ елдеріне әкетілген ресейлік балаларды Отанына қайтару мәселесін қойдық», – деді Галузин келіссөз қорытындысы бойынша журналистерге берген мәлімдемесінде.
Сонымен қатар ол: «Бұл мәселені көтеріп қана қойған жоқпыз, Украина тарапының қолына нақты 20 баладан тұратын тізімді табыс еттік. Бұл тізімде балалардың аты-жөні және оларды Ресейге қайтару мәселесін шешу үшін байланыс орнатуға болатын заңды өкілдерінің мәліметтері көрсетілген», – деп атап өтті.
