24 шілде, Вильнюс. Литва НАТО мен АҚШ-тың қосымша әскери контингенттерін қабылдауға қажетті инфрақұрылымды толықтай дайындап бітірді. Бұл туралы елдің Қарулы күштерінің бас қолбасшысы Раймундас Вайкшнорас мәлімдеді.
«Біздің қауіпсіздігіміздің басты кепілі – одақтастарымыз. Тарихта алғаш рет Германия шетелде өз танк бригадасын орналастыруда. Литваға тіркелген 45-бригада кезең-кезеңімен жеткізіліп, ұлттық қорғаныс жүйесіне интеграцияланып жатыр. Германия бұл үдерісті өте жылдам жүзеге асырды», – деді генерал Литва Қорғаныс министрлігінің баспасөз қызметіне берген түсініктемесінде.
Оның айтуынша, АҚШ-тың ротациялық әскери күші де маңызды тежеуші фактор болып отыр. Ел билігі барлық инфрақұрылымдық жаңғыртуды аяқтап, шетелдік күштерді қабылдауға толық дайын.
«Қабылдаушы тарап ретінде біз барлық мүмкіндігімізді іске асырып жатырмыз», – деді Вайкшнорас.
