Вашингтон. 1 тамыз. ИНТЕРФАКС – АҚШ демократ сенаторы Джин Шахин мен республикалық сенаторы Лиза Мурковски Украинаға 54,6 млрд доллар көлемінде көмек көрсетуді көздейтін заң жобасын Конгрестің қарауына енгізді.
Жоспарға сәйкес, көрсетілетін көмектің үштен бірі тәркіленген ресейлік активтерден және Еуропа одағындағы одақтастарға қару сату арқылы алынатын кірістер есебінен қаржыландырылмақ. Сондай-ақ, жаңа келісімге сәйкес, Украинада пайдалы қазбаларды игеру нәтижесінде түскен табыс АҚШ-тың Украинаға қару-жарақ жеткізуге жұмсалған шығындарын өтеу мақсатында пайдаланылуы мүмкін.
Аталған заң жобасы арқылы қаржыландырудың маңызды бөлігі Украинаға беріліп жатқан ескі қару жүйелерін жаңаларына алмастыруға бағытталмақ. Сондай-ақ, заң жобасы президентке Украинаға қаружарақ жеткізуді Конгресс мақұлдамай-ақ біржақты түрде қабылдауға мүмкіндік беретін өкілеттілікті елеулі түрде кеңейтуді көздейді — 2026 және 2027 жылдары жыл сайынғы лимит 100 млн доллардан 6 млрд долларға дейін ұлғайтылмақ.
Басылымның пікірінше, заң жобасы республикашылдар бақылауындағы Конгрессте дауыс беру кезінде айтарлықтай кедергілерге тап болуы мүмкін, себебі олар АҚШ-тың шетелге әскери және өзге де көмек көрсетуін жиі сынға алады.
