Вашингтон. 10 қыркүйек. ИНТЕРФАКС – АҚШ президенті Дональд Трамп Еуропалық одақты Қытай мен Үндістаннан жеткізілетін тауарларға 100 пайыздық кедендік тариф енгізуге шақырды. Бұл қадам Ресейге қысым көрсету және Украина төңірегіндегі дағдарысты жедел реттеу мақсатында ұсынылған. Бұл туралы Financial Times басылымы өз дереккөздеріне сілтеме жасап хабарлады.
Басылым сұхбат алған шенеуніктердің айтуынша, Трамп бұл ұсынысты Вашингтонда АҚШ пен ЕО-ның жоғары лауазымды тұлғаларының кездесуінен кейін білдірген.
«Біз әрекет етуге дайынбыз, тіпті дәл қазір бастауға әзірміз. Алайда біз бұл қадамға тек еуропалық әріптестеріміз қолдау білдірген жағдайда ғана барамыз», – деген екен америкалық шенеуніктердің бірі.
Тағы бір дереккөздің айтуынша, Вашингтон Брюссель тарапынан Қытай мен Үндістанға қатысты енгізілетін кез келген тарифтік шараларды қолдауға әзір.
