Вашингтон. 10 қыркүйек. ИНТЕРФАКС – АҚШ президенті Дональд Трамп 2023 жылы Бағдатта қарулы «Катаиб Хезболла» тобы тарапынан тұтқынға алынған қос азаматтықты (Израиль және Ресей) иеленетін Елизавета Цуркованың босатылғанын хабарлады.
«Принстон университетінің студенті, әпкесі АҚШ азаматы болып табылатын Елизавета Цуркованың «Катаиб Хезболла» ұйымы тарапынан босатылғанын қуана хабарлаймын. Ол ұзақ айлар бойы азаптауға ұшырағаннан кейін қазіргі уақытта АҚШ-тың Ирактағы елшілігінде», – деп жазды Трамп сейсенбі күні Truth Social желісінде.
Сонымен қатар ол ХАМАС ұйымын Газадағы израильдік тұтқындарды босатуға шақырды.
Цуркова 2023 жылы Бағдатта із-түзсіз жоғалып кеткен болатын. Араб басылымдарының хабарлауынша, ол жоғалар алдында ұзақ уақыт бойы Ирак астанасында болып, жергілікті шиииттер жетекшісі Мұқтада ас-Садрдың жақтастарынан сұхбат алған. БАҚ мәліметтеріне сәйкес, оны Иранмен байланысы бар қарулы топтың мүшелері ұрлап кеткен болуы мүмкін.
Өз кезегінде Израиль билігі Цуркованың Иракқа ресейлік төлқұжатпен кіргенін, сондай тәжірибеге бұған дейін де жүгінгенін мәлімдеген болатын.
